კონფიდენციალურობის პოლიტიკა

რა მონაცემებს ვინახავთ

• ანგარიში: ელფოსტა, სახელი, მომხმარებლის სახელი, პროფილის სურათი (Google-ით შესვლისას — Google-ის ანგარიშიდან), ენა და პარამეტრები. პაროლს ინახავს ავტორიზაციის სერვისი დაშიფრული სახით — ჩვენ მას ვერ ვხედავთ;
• ბიბლიოთეკა: სანახავი სია, რჩეულები, სიები, შეფასებები, მიმოხილვები, კომენტარები, მოწონებები, ვის ადევნებ თვალს, საჩივრები;
• ყურება: სად გაჩერდი (პროგრესი), ბოლოს ნანახი, შეტყობინებები;
• სტატისტიკა: გვერდის ნახვა, დაწკაპუნება, დაკვრის დაწყება და დასრულება — ტრენდულისა და რეკომენდაციებისთვის. შესულ მომხმარებელთან ეს ანგარიშს უკავშირდება, სტუმართან — შემთხვევით კოდს, რომელიც ჩანართის დახურვისას იშლება;
• „ახლა უყურებენ“: დაკვრისას ყოველ წუთში ანონიმური სიგნალი იგზავნება. მოთხოვნების ლიმიტისთვის IP მისამართი ინახება მხოლოდ შეუქცევადი კოდის (ჰეშის) სახით და მოკლე ვადით;
• ბრაუზერში (localStorage / sessionStorage): შესვლის სესია, ენა, ხმის დონე, სუბტიტრებისა და სიჩქარის პარამეტრები. სარეკლამო ან თვალთვალის ქუქი-ფაილებს არ ვიყენებთ;
• ფორმით გამოგზავნილი მოთხოვნა: სახელი, ელფოსტა და შეტყობინება.

რისთვის ვიყენებთ

• მომსახურების მისაწოდებლად: შესვლა, სიები, „განაგრძე ყურება“, შეტყობინებები;
• რეკომენდაციებისა და ტრენდულისთვის;
• უსაფრთხოებისთვის: მოთხოვნების ლიმიტი, ბოროტად გამოყენების თავიდან აცილება, მოდერაცია;
• შენს მოთხოვნაზე ან საჩივარზე საპასუხოდ.

მონაცემებს რეკლამისთვის არ ვიყენებთ.

ვის ვუზიარებთ

მხოლოდ იმ სერვისებს, რომლებიც საიტის მუშაობისთვისაა საჭირო:

• Supabase — მონაცემთა ბაზა და ავტორიზაცია;
• Vercel — ჰოსტინგი;
• Google — შესვლა Google-ით (თუ ამას აირჩევ) და შრიფტები (Google Fonts: ბრაუზერი შრიფტს Google-ის სერვერიდან ტვირთავს);
• TMDB — ფილმების სურათები იტვირთება image.tmdb.org-იდან;
• ვიდეოს სერვისები (მაგ. Google Drive, YouTube, Internet Archive) — ვიდეოს ჩართვისას ბრაუზერი პირდაპირ მათ უკავშირდება და მათი წესები მოქმედებს;
• Google Gemini — ფილმების საჯარო აღწერების ავტომატური თარგმანისთვის. შენი პერსონალური მონაცემები იქ არ იგზავნება.

მონაცემებს არ ვყიდით. კანონით მოთხოვნილ შემთხვევაში შეიძლება გადავცეთ უფლებამოსილ ორგანოს.

შენახვის ვადა

• ანგარიშის მონაცემები — სანამ ანგარიში არსებობს. წაშლისას სამუდამოდ იშლება ყველაფერი: სიები, ისტორია, შეფასებები, მიმოხილვები, კომენტარები;
• სტატისტიკა ანგარიშის წაშლის შემდეგ ანონიმური ხდება — შენს ანგარიშს აღარ უკავშირდება;
• ფორმით გამოგზავნილი მოთხოვნა — საქმის დასრულებიდან 2 წელი, შემდეგ ავტომატურად იშლება;
• IP-ის ჰეშები (ლიმიტები) — რამდენიმე წუთიდან ერთ საათამდე.

შენი უფლებები

ნებისმიერ დროს შეგიძლია:

• ჩამოტვირთო შენი ყველა მონაცემი: პროფილი → „ჩემი მონაცემების ჩამოტვირთვა“;
• შეასწორო პროფილი და პარამეტრები;
• წაშალო ანგარიში: პროფილი → „ანგარიშის წაშლა“;
• გამოგვიგზავნო მოთხოვნა ან საჩივარი ფორმით.

თუ ფიქრობ, რომ შენი მონაცემები არასწორად მუშავდება, შეგიძლია მიმართო საქართველოს პერსონალურ მონაცემთა დაცვის სამსახურს ან შენი ქვეყნის შესაბამის ორგანოს.

უსაფრთხოება

კავშირი დაშიფრულია (HTTPS); ბაზაში ყოველი მომხმარებელი მხოლოდ საკუთარ პირად მონაცემებს ხედავს; ადმინისტრატორის წვდომა შეზღუდულია და ცვლილებები ჟურნალში იწერება. სრულ უსაფრთხოებას ვერცერთი სერვისი ვერ იძლევა — თუ რამე საეჭვოს შეამჩნევ, მოგვწერე.

ბავშვები

16 წლამდე პირს ანგარიში მხოლოდ მშობლის ან მეურვის თანხმობით შეუძლია. თუ ფიქრობ, რომ ბავშვმა თანხმობის გარეშე შექმნა ანგარიში, მოგვწერე და წავშლით.

ცვლილებები

პოლიტიკა შეიძლება განახლდეს; ბოლო განახლების თარიღი ზემოთ წერია. მნიშვნელოვან ცვლილებას საიტზე გამოვაცხადებთ.